【本報訊】藍田舖王西醫林傳龍指控父親誹謗案續審，父親林成賢揚言無心滋擾或傷害長子及孫兒，對再次出庭憶述父子恩仇感到痛苦。主審法官坦言雙方選擇以法律程序解決家事，「𠵱家係挖瘡疤時間，冇辦法」，但只要「是但一個肯認吓錯，件事唔會搞到咁」，希望雙方認真考慮談判達成協議。林父在庭外欲與長子攀談，但長子即時發難拒絕，林父無言落淚。
記者：楊家樂
暫委法官陸啟康昨指本案並非一般商業糾紛，「我擔心即使官司完咗，件事係咪就咁完咗呢」，案情雖不複雜，但牽涉家庭福祉，需小心處理，「唔想以後有唔開心嘅嘢發生」。法官直言本案只是「好多件小事，搞到今日咁嘅地步」，再三懇請雙方考慮和解。
法官謂「想試吓啲不可能嘅事，希望佢兩父子傾一傾」。他問被告父親林成賢：「你唔肯同個仔講嘢㗎啦？」林成賢聞言即道：「（若）佢肯同我講，我肯，會好開心。」
學生協助寫涉案傳單
在法庭小休期間，一直互當透明的父子二人繼續分站通道兩旁。此時林父慢慢走向原告長子林傳龍，似打算攀談。詎料林傳龍反應甚大，拒絕溝通，更大叫：「我跪過喺度求你㗎啦﹗」林父即時落淚，由親人及律師團隊攙扶離開。其妻安慰他謂：「唔好喊，我哋有咩未捱過？要喊嗰個係個衰仔。」
林成賢昨天供稱，教育程度只有小二，11歲喪父，根本不識字。涉案傳單也是他到自修室向學生口述，由學生協助寫成。
「做舖王就叫我去死」
他派傳單只為發洩及求清白，「我嚟香港50幾年，好過好市民，冇入過差館。個仔屈我，我還柙過夜，俾人鎖鐵鏈，好似死狗咁」。
林成賢聲言從未想過滋擾兒子或傷害孫兒，「我唔知唔識，冇文化，粗魯人」。法官問：「但你個仔話個孫喺學校俾人笑，你覺得點呀？」他沒有正面回應，法官問他有否後悔？他亦沒有回答，之後謂「後來冷靜咗，知道係衝動，逼到冇辦法」，更稱曾兩度企圖跳樓自殺。
他否認為報復長子報警而誹謗對方，「我為個仔，畀埋條命佢，今時今日成龍，咁樣屈我……以前都冇嘢，𠵱家有錢，做舖王嘞，就叫滋擾，叫我去死」。
案件編號：HCA139/12
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange