【本報訊】政府擬將屯門15幅土地改劃為住宅用途，地區人士認為十劃未有一撇，不過鄰近擬改建為住宅用途的二手業主，就擔心周邊地皮若興建住宅，施工期間會造成滋擾，且日後景觀或受影響，竟罕有地主動搵代理放盤，冀套現換樓。
南浪業主主動搵代理
屯門南浪海灣附近一幅地皮擬改建為住宅用途，祥益地產分行主管巫嘉露表示：「如果真係起樓，咁該屋苑1座、2座及3座，向西單位嘅景觀會受阻，今日（9日）突然有4個該屋苑業主主動搵代理放盤。平時一個禮拜都無一個，而且仲要係代理搵業主，唔會業主搵代理。」
惟放盤價未有劈價，僅略減2%至3%，例如南浪海灣一個低層單位，實用524方呎，原叫價360萬元，減價10萬元，現叫價350萬元，實呎6,679元，屬市價。
有居住屯門愛琴海岸的居民吳先生認為，該區多幅地皮興建住宅相信是一件好事，相信可帶動該區發展，冀政府因此會增加更多配套，尤其是疏導交通。
屯門區議會副主席梁健文表示：「由提出到諮詢，經城規、刊憲，還有環評……跟住賣地、招標，我諗都係10年後嘅事啦！」在現階段政府應做好配套設施，作完整規劃，迎接人口激增的需求，例如區議會曾建議，屯門至荃灣的鐵路，或者掃管笏及大欖一帶興建行車路接駁屯門公路，以減輕青山公路的負荷等。
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24