成立於1934年嘅香港中華廠商會，今年會搞連串80周年慶祝活動。9月1日（廠商會成立日）至7日，會喺主要報章印雪糕換領券益街坊，會長施榮懷話多多無拘，最緊要香港市民賞面。佢哋可能會同快餐店、便利店合作，方便市民換免費雪糕。
除咗派雪糕，廠商會噚日仲向理大捐咗3,000萬蚊做專項贊助，資助學生交流、比賽；理大報答廠商會，將校內C、D幢大樓冠名做「香港中華廠商聯合會樓」，理大校長唐偉章噚日話廠商會喺1956年，捐咗100萬畀理大前身香港工業專業學院，理大先有今日咋。阿施話嗰時100萬可以買起成條街㗎，證明佢哋幾咁支持本地工業！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange