能深得六叔的信任及痛錫，方逸華自有一套獨特管理方針。69年她加入邵氏採購物資部，直接管轄會計、出納及財務部門，雖坊間有指她過份慳吝，但亦令公司轉虧為盈，間接壯大六叔的影視霸業。
邵音音昨日說：「方小姐係好伙記，佢會幫公司慳錢，試過監製部戲，有四個故事，如果幾日戲，佢會要求人哋收四分一片酬。方小姐其實唔係咁刻薄，係節儉。」六嬸身邊友人亦讚她的理財技巧：「六叔委派咁重要嘅崗位畀佢，要管理咁大間公司係唔容易，如果樣樣嘢都浪費，仲成何體統？佢要保障公司利益，所以要執正嚟做。」
然而，方逸華的「緊縮政策」也試過令公司虧蝕。據知情人說，八十年代中期，邵氏的佈景板需要用上釘子，六嬸為節省成本，一口氣訂兩噸釘子來換折扣，可惜其時邵氏已大幅減產，甚少用佈景板，結果釘子全生銹。
六嬸對傳媒報道亦相當重視，當年曾經有一位記者，因報道有關某邵氏電影的入座率不佳，因而激嬲六嬸，結果被無綫封殺。
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24