許志安昨日在旺角出席電視遊戲活動，大會安排他抱着一名小妹妹出場，小妹妹向他送上賀年禮物，寓意年生貴子，場面搞笑。
撲水派利是
婚後的安仔甜蜜滿瀉，每提到太太鄭秀文（Sammi）都甜絲絲，難掩新婚的喜悅。問安仔新年是否會派雙封利是？他說：「都OK嘅，有歌迷送咗啲有許字嘅利是封畀我，叫我派畀佢哋。」問到Sammi是否同樣用許字利是封？安仔冧爆甜笑：「唔係，總之開心。」
再問婚後利是會否加碼，安仔說：「畀都係開心，預咗畀多啲，所以自己都要博啲，做多啲嘢。」初一要向外父外母拜年？他說：「唔好講人哋呢啲，自己嚟講有時間都想去旅行玩吓，難得有假期，唔係刻意避年，今年傾緊農曆年演唱會巡迴，暫時未知下月頭會唔會離開香港。」
生仔要配合
安仔很喜歡小朋友，但現時未有生育計劃，他說：「小朋友好得意，𠵱家有小朋友好大責任，唔同以前爸爸媽媽年代，生咗先算，𠵱家唔得，𠵱家好多嘢配合，玩人哋嗰啲好玩，所以成日祈禱Dicky（張衞健）快啲有，又成日去雷頌德屋企，我暫時冇呢個計劃，呢啲嘢好難講。」問他補擺喜酒一事，安仔則表示慢慢來，已跟Sammi有共識。
採訪：張俊銘
攝影：陳慧安
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24