商交所爆煲後，狼英愛將、前行會成員張震遠已經久未蒲頭，政圈盛傳佢北上撲水。噚日有網台D100嘅人，午飯時間喺數碼港嘅艾美酒店內，見到張震遠同一男子密斟。但此一男子唔係狼振英，而係張震遠嘅師傅、喺港英時代曾任中央政策組首席顧問，仲被盛傳係MI6嘅「魔僧」顧汝德。
據聞兩師徒一餐飯食足兩粒鐘，密斟時神色凝重，唔知張震遠係咪向師傅求教，抑或有其他大計？兩位飯後意猶未盡，在場人士目擊，張震遠仲帶魔僧上咗商交所位於數碼港嘅總部㖭！據聞現場有途人認出張震遠，想舉機影相，但張震遠警覺性好高，即時擰歪面。
足本收睇《亂噏24》x 卓韻芝； 跟住有錢國偉陪你夜蒲！
周一至周五《亂噏24》約定你： http://bit.ly/appletalk24