耀才（1428）「生招牌」兼董事郭思治本周二無端端以每股平均價1.634元，減持26.8萬股耀才，套現區區43.8萬元。新年係交稅季節，唔通郭sir急住攞錢交稅？還是準備本月底農曆新年，疏爽大派利是？
郭sir回應話，呢次減持只係一次性行動，「冇乜特別㗎，好少錢嚟嘅箒，係自己有少少其他部署」，但就點都唔肯透露有乜部署。
郭sir對上一次減持係舊年6月，𠵱家手頭持有嘅耀才股份，大部份都係行使認股權所得，行使價都係1元樓下。睇番郭sir套現當日，耀才正正狂飆7.8%創超過三年高位，當日高位1.65元，近兩日就跌番去1.6元，郭sir可以話係靚價沽。郭sir年薪加花紅超過150萬元，40幾萬的確唔係大數目。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange