【威冪真情之舊愛出招】現年39歲的劉愷威和27歲的楊冪，前日在印尼峇里島的Bvlgari酒店舉行逾百萬婚宴，晚上在酒店設宴，繼續分享甜蜜時刻。楊冪的好友兼伴娘唐嫣前晚在微博貼了一張相片，相中楊冪和劉愷威緊緊抱在一起看煙花，浪漫又溫馨，唐嫣更留言說：「幸福感。」可見一對新人幸福滿瀉。
一眾記者昨日在當地機場繼續守候，可惜一直未見兩人，甚至連雙方父母也未見蹤影，據知他們大清早已離開峇里島。同時昨日也有報道指，被爆懷孕四個月的楊冪恃肚橫行，一早落禁令，禁止老爺劉丹對外洩露婚禮風聲，甚至婚宴賓客大部份都是楊冪親屬，男家還要讓出半圍主家席給女家親戚，盡顯楊冪在劉家的尊貴地位。
「戥人哋開心」
這邊廂劉愷威和楊冪大晒新婚恩愛，那邊廂劉愷威的過氣女友廖碧兒昨日拋胸與許志安在旺角出席遊戲機活動。廖碧兒寫毛筆字期間，不時俯身晒事業線，令安仔也不禁作狀解開衣領鈕說：「係咪要趴喺度寫？」感情生活孤零零的廖碧兒，眼見舊愛個個愛情都開花結果，難怪在訪問時坦言想有桃花，她說：「我今年都想有多啲桃花，2014年係新開始，工作上都好需要桃花，我唔知幾時拍拖，等我同公司度吓期先。」
問到舊愛陳豪和劉愷威先後結婚，廖碧兒說：「係呀，我都戥人哋開心，好多朋友都有喜事，我都有恭喜佢哋。」問她在微博祝賀愷威後，會否致電再恭喜舊愛？她說：「我都係啱啱返嚟香港，覺得已經足夠！」
採訪、攝影：文國駿、陳辰（峇里）、張俊銘、陳慧安（香港）
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24