太古系主席白紀圖將於今年3月退休，佢一直持有太古A（019）、太古B（087）股份，由2006年初做主席至今甚少買賣，不過，佢本周二突然斥資近百萬元，買入太古地產（1972）。退休前大手吸納，唔知有冇啟示呢？
涉及資金99萬
根據聯交所資料，白紀圖本周二（7日）以平均價19.036元，買入5.2萬股太古地產，涉及資金99萬元。太古2011年底以介紹形式分拆太地上市，曾經向股東分派太地股份，所以白紀圖原先都有幾千股太地。
以噚日收市價計算，白紀圖手持太古A、B股、太地股份嘅市值共643萬元。值得留意嘅係，白紀圖冇持有同系國泰航空（293）股份，太地一直冇乜亮麗消息，上月將東半山傲璇（OPUS）以招標形式出售又流標收場，白紀圖都選擇買呢隻股退休，除咗呢隻股近期股價偏弱，仲有冇其他原因呢？
足本收睇《亂噏24》x鄭秀文＠杜琪峯；再有卓韻芝！
周一至周五《亂噏24》約定你： http://bit.ly/appletalk24