「原諒我這一生不羈放縱愛自由」或者係人馬座講得最多嘅對白，出名「捉唔住」嘅佢哋，今年運程又會係點？靈性導師兼塔羅占卜師姚安娜就話佢哋有唔少嘢要煩噃，「2014年雖然穩定咗，但哲學家頭腦嘅佢哋，今年都有唔少煩惱，會諗身邊嘅人同事係咪適合自己。」
咦？唔通係人馬座嘅千語BB，開始懷疑林峯唔啱自己？「 2014年，人馬座朋友，即使幾穩定的情侶都會出現動搖。不是懷疑愛唔愛呢個伴侶，而係懷疑自己係咪適合結婚，係咪適合拍拖，定係單身最好。」嘩，睇嚟峯語今年都未必結得成婚。
咁單身嘅人馬座又會唔會搵到另一半呢？「下半年都會有桃花，但那些全都是爛桃花。如果下半年都未有穩定伴侶，不如出來當識朋友玩玩就算，不要太認真和上心，否則失望機會多。」簡單嚟講，即係認真就輸了。
至於事業方面，人馬座今年正處於變成熟階段，如果唔清楚自己點解要做呢份工，發揮同發展都會比較難。
財運嚟講，今年生活質素同朋友圈都有改變，好易用多咗錢，要避免去買無謂嘅嘢，否則就會跌落財政懸崖喇！
奉勸人馬座嘅朋友一句，早啲認命，努力發揮自己才華，玩少啲，唔好咁反叛。下半年好消息就會出現㗎喇！
想知更多新奇趣聞，記得留意【動Fun】
http://hk.apple.nextmedia.com/livestream/channel/actionfun