【六叔逝世之風流傳奇】自言風流不下流的邵逸夫（六叔），由電影王國到電視台成為揸弗人，一生都有好多美女在身邊團團轉。早在邵氏年代，有關六叔的風流韻事不絕於耳，有娃娃影后之稱的李菁傳最得寵。70年代艷星邵音音，亦跟過六叔去半島酒店食西餐，她昨在電話中說：「佢當年帶我哋幾個女仔去食飯，我唔識用刀叉，佢會不經意教我點用同一啲餐桌禮儀。」問可覺六叔為人風流，她說：「從前『風流』係形容皇室貴族高貴氣場，佢係擔當得起。」她曾收過六叔送的披肩，收藏至今。
有指六叔長壽的三大秘訣是養生、練氣功和看美女，所以每年的港姐競選六叔都是座上客，不少三甲港姐都曾與六叔拖過手仔，及被邀到家中吃飯或去私人電影院睇戲。06年，葉翠翠和陸詩韻一左一右陪六叔睇港姐決賽，六叔肉緊地「鍊」住翠翠手臂，足見98歲的他仍有心有力。98年冠軍向海嵐說：「我有去過佢屋企食飯，佢仲記得我拍《楊貴妃》，認得我好開心。」94年冠軍譚小環說：「我去過邵氏別墅睇戲，仲有好多唔識嘅前輩，睇啲60、70年代舊片。」
六叔還會從細節中發掘話題，03年季軍戚黛黛說：「六叔會用英文問好多嘢，關心你凍唔凍？記得當年我條裙後面有束花，唔可以挨後坐，佢叫我坐得舒服啲。」96年季軍袁彩雲在晚宴上被六叔問：「你對眼好紅。」令彩雲印象深刻：「我唔習慣戴有色隱形眼鏡，估唔到佢咁好眼力。」07年季軍周美欣亦曾與六叔一起研究gel甲，而2000年落選港姐朱婉儀在微博透露曾在電梯與六叔相遇，六叔用手托一托她的大袋問：「你個袋唔重咩？」親切舉動令她驚訝。
六叔除經常與太太方逸華十指緊扣恩愛亮相，近年曹眾、張玉珊等亦輪流陪伴身邊照顧，曹眾表示六叔為人硬淨，不喜歡人扶着他，她透露六叔還有其他興趣：「我同邵生、邵太去過中國好多省市旅行，邵生最喜歡食粟米、蕃薯等粗糧，仲好鍾意睇受過佢捐贈嘅人嘅信，會用放大鏡逐封睇，好有善心。」
採訪：嵐山、何慧斯
紅星伴身旁
睇靚女養生
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！