要數最受歡迎本地漫畫，呢一代有麥嘜同麥兜，上一代就有牛仔與契爺。以父子情為主軸嘅《牛仔》漫畫，係七十後嘅集體童年回憶，小西灣藍灣廣場趁今個農曆年，展出20幅珍貴嘅王司馬漫畫手稿，同大家重溫一下舊日好時光。
《牛仔》畫風簡潔活潑，幾乎唔用文字，單以畫面交代故事，小朋友都睇得明，原來內容唔少係作者王司馬同佢三個仔嘅寫照。早期嘅四格漫畫原稿、現已結業嘅博益出版嘅漫畫結集，同埋其他精品如貼紙、填色畫頁等，今起至2月16日，喺小西灣藍灣廣場個展覽度有得睇。
今次展出嘅展品，都係由王司馬屋企人首次提供，據講價值超過百萬港元。除咗牛仔，圍繞OL生活點滴嘅《靚女蘇珊》、諷刺時弊嘅《狄保士》，仲有罕有嘅王司馬親筆文稿，都會一齊展出，粉絲們真係咪錯過！
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24