今時今日先至出手機app已經算遲，估唔到立法會噚日仲可以為咗呢個毫無爭議性嘅議題拗餐飽。
主要嚟講，本身係大律師嘅商界議員廖長江擔心，議員喺議會內有特權法照住，可以隨口噏當秘笈，但係立法會將議員發言條片放上YouTube之後，就可能冇咗特權法照住。
公專聯莫乃光就唔係咁睇，佢認為議員唔應該又要威又要戴頭盔，反正家陣有關議員啲片，YouTube都大把，根本毋須過份擔心。係呀，八方都覺得個辯論好學術性。總之呢，遲吓大家就可以下載立法會嘅手機app，方便check住立法會搞乜東東囉。
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24