梁凸起腳過狼，被中央教頭叮走，林鄭後備上場，配合西環的黑哨，波開始打假。梁凸無奈脫下689號的球衣，無所事事，唯有在網誌剖白吹水：「名留青史，在我任內實現的……」
a，在我任內，高官終於實現到當家作主，唔似我的前任那麼妒才。唔信，你睇陳太官涯39年，邊有林鄭咁風光。
b，在我任內，食過千蚊魚蛋牛腩的貪湯，就算下了台都要徹底追究，實現香港勝在有我管治下的ICAC。冇咗我之後，喔，no eye see！。
c，在我任內，實現到個個BB有奶粉食。而我保證，在我任內，BB唔會食到已經唔存在的毒奶粉。
d，在我任內，幾咁老大難，我都能見縫插針，實現家是香港、築福香港的藍圖。珠姐放心，我唔驚大財團，大不了，同佢地隻揪！
e，在我任內，唔怕抽水講句，實現了官商脫鉤（睇富貴黨個飯局幾冷清就知），實現了京港直線通（否則姓蘇的點可以咁快上到京），實現了用人唯才（跳船者另計），實現了雞蛋降在司長頭上！