韓國女星全智賢同型男金秀賢主演嘅《來自星星的你》，屢創收視新高，但就唔係去到邊都咁受歡迎囉。有韓國媒體報道，早排劇組在韓國某住宅區拍外景，就被當地居民投訴，話佢哋阻礙出入兼影響居民生活。雙方仲發生爭執添，場面勁尷尬，居民仲大鬧劇組係「路霸」呀。好彩，劇組話事後向居民道咗歉，仲成功取得對方諒解。
其實韓國拍劇出事都唔係第一次！之前朴信惠同李敏鎬主演嗰套《繼承者們》都試過因為封街拍攝，俾當地住戶投訴。最後仲要朴信惠出面道歉，先解決問題咋。
足本收睇《亂噏24》x鄭秀文@杜琪峯；再有卓韻芝！
周一至周五《亂噏24》約定你： http://bit.ly/appletalk24