【本報訊】屯門青山公路一帶11幅用地改作私人住宅，引起地區人士反對，批評當局缺乏完整規劃，社區設施及交通配套不足，且全無諮詢，完全是「大石砸死蟹」。
屯門區議員嚴天生表示，區議會日前討論相關議案，大部份委員反對青山公路一帶地皮改為發展私人住宅，其中最具爭議是愛琴海岸對出一幅用地，位於青山公路的中心點，沿路一帶無任何社區設施，該地皮一直規劃作社區用途，現在卻改劃為住宅用途。
無配套交通勢超負荷
嚴續說：「2010年規劃署將青山公路一帶打造成低密度住宅區，好似赤柱咁，再加啲基本旅遊設施，估唔到突然間改到做中密度住宅，好突然！以前呢度吸引人，係低密度住宅區。」一旦全數發展做住宅，交通勢將負荷過重，「交通負擔會係點呢，完全唔講出嚟，就咁話，我（政府）要呢幾塊地，完全唔講其他配套，事前完全冇諮詢，大石砸死蟹！」
青山公路沿線居民權益會召集人李桂芳（圖）表示，極力反對青山公路一帶地皮改劃為中密度住宅用地，「人口激增，有冇考慮過醫院夠唔夠用呢……社區會堂冇、街市又冇，一個公園都冇㗎呢度……仲有連一間中學都冇，全部用嚟起晒住宅，政府有冇諗到推咁多人嚟呢度住，我哋嘅配套係咪充足呢？」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange