港台噚日就新電視頻道啟播開記者會，助理廣播處長施永遠喺記招後同八方講，話想問候吓《明報》人，仲主動走出場外，叫停正離開嘅《明報》記者，關心空降馬拉老總一事同為佢哋打氣。八方諗起，舊年港台都係空降AO廣播處長鄧忍光，俾人質疑有政治目的，難怪當時多次公開講「感覺」處長畀政治任務佢嘅施永遠會咁關心《明報》啦。副廣播處長戴健文、助理處長施永遠同港台總監陳敏娟噚日齊齊出動，惟獨AO處長鄧忍光唔見影喎。戴健文話，處長呢排好傷腦筋，旨因港台起新大樓嘅60億撥款俾立法會否決咗，佢要急謀對策，閉關苦思點樣幫撥款減磅再闖關。哦！原來為咗撲水，搞到潛水。
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24