《明報》撤換老總一事，令人憂慮香港新聞自由進一步收緊。風雨飄搖之際，《明報》員工自發成立關注組，前員工亦發起聯署行動「守護明報」。
有份聯署嘅前員工當中，竟然包括資訊科技界立法會議員莫乃光，原來佢1994年加入《明報》前老闆于品海開設嘅智才企業工作，喺柴灣明報工業中心返過工。
當年佢主要負責搞網站，而佢嘅同事另一任務係培訓《明報》記者，教佢哋中文輸入法，因為當時一般係用原稿紙寫稿，再搵外援專責打字，所以記者識打字，對於分秒必爭嘅新聞界好重要。
莫乃光噚日聯署完，仲喺facebook分享1996年嘅《明報》網頁，話比較接近1995年原設計，真係恍如隔世。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange