香港地，富貴食肆何其多！以「阿一鮑魚」打響名堂嘅富臨飯店舊年因俾業主瘋狂加租而逼走，搬去附近信和廣場，新店噚日正式開業，出名識飲識食嘅退休高官葉澍堃都有畀面出席開幕儀式，跟老闆楊貫一寒暄約10分鐘走人。
馬時亨花牌到賀
位於銅鑼灣嘅富臨舊年租約期滿，業主要求加租，由月租70萬元加到130萬元，楊貫一就決定喺附近搵過個舖，新舖樓面大過舊舖接近一倍，噚日正式開張，前高官馬時亨、思捷（330）主席柯清輝人冇到，但係就有送花牌。
楊貫一冇即場煮返兩隻鮑魚，只係透露將會推出創新菜式，包括鮑汁花膠瑤柱燴飯、官燕八寶飯、魚翅蟹肉燒釀雞翼。不過𠵱家潮流興環保，好多人或企業都唔鼓勵食翅喎。
足本收睇《亂噏24》x鄭秀文＠杜琪峯；再有卓韻芝！
周一至周五《亂噏24》約定你： http://bit.ly/appletalk24