中環一帶傍晚不時塞車，原來民政事務局長曾德成都有份「貢獻」。話說噚晚有架AM車，喺中環干諾道中嘅巴士站涉嫌違例停車，阻住晒後面嘅巴士埋站，邊個咁目無法紀？
架AM車原來係接載曾德成㗎。曾局長仲要慢慢上落車，簡直係知法犯法，罔顧道路安全！
有醒目嘅網民立即影低呢一刻，有圖有真相。根據《定額罰款（交通違例事項）條例》（第237章），曾德成座駕已經可能涉及違例。連局長都涉違例上落車，做壞晒榜樣，難怪警方要考慮將原價320蚊嘅牛肉乾「加辣」喇！
九巴：多違泊要加價
而九巴近月向政府申請加價，理據之一係路面嚴重擠塞，點名話中環干諾道中有唔少車輛喺巴士站違例停泊。如果真係加得成，就要「多謝」曾德成喇！唔知佢會唔會好似早前被控違例泊車嘅藝人羅鈞滿咁，作出「公義嘅自辯」呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange