【本報訊】邵逸夫除癡迷電影，對劇集亦相當有研究，還搜羅了很多資料跟員工討論。何定鈞昨日在電話中說：「佢睇完之後覺得幾好喎，咁咪叫我哋研究一吓再睇睇囉，佢好有心得。」
雖然邵逸夫眼光獨到，但他曾提議購買南美洲的處境喜劇，結果員工沒有遵照老闆意思，何定鈞說：「佢有時畀好多意見，話南美洲好多處境喜劇，不如去嗰度買啦，嗰度又平，配番廣東話咪得囉！
「但我哋發覺環境唔同，一個處境喜劇，喺人哋地區發生嘅事人哋有共鳴，你搬咗嚟香港，香港人都格格不入，冇乜共鳴。最後我哋冇做到，佢又冇責怪我哋點解唔買。」
《歡樂今宵》長做長有
在邵逸夫領導下的無綫，曾為港人留下無數珍貴回憶，如家喻戶曉的《歡樂今宵》，由1967年無綫開台首播，至1994年為止，成為全世界最長壽的綜藝節目；1973年，無綫舉辦首屆「香港小姐競選」，自此年年舉辦，從未間斷，也成為無綫每年的壓軸好戲。至於無綫多年來製作的劇集，除捧紅了一眾天王巨星外，不少劇集的精采片段和精警對白更長留市民心中。
足本收睇《亂噏24》x鄭秀文＠杜琪峯；再有卓韻芝！
周一至周五《亂噏24》約定你： http://bit.ly/appletalk24