六叔邵逸夫昨日早上離世，現正歐遊的翁靜晶，於香港時間昨晚八時許，於個人facebook寫道:「能夠主持公道的唯一證人已歿。」本報記者昨日聯絡上劉家良徒弟冼國林，冼國林回覆說:「師母現時不在香港，叫我幫手代答。師母意思係話，六叔係一個好偉大嘅電影人，無論電視或電影方面。佢指導咗香港電影好多年，電視亦搞得好好，佢走咗係一個損失，師母都覺得六叔係一個好大貢獻，覺得好惋惜，所以佢同大家感覺係一樣嘅。事實上，近50年來沒人比佢(六叔)更優勝，佢都培養咗好多人。」問到之前翁靜晶代夫劉家良向邵氏追數一事，會否因六叔離世而押後處理？冼國林表示:「師母意思係，現時唔係一個適當時間去講這些事，六叔走同呢件事係唔應該喺呢個時候講。最緊要我哋畀到六叔一個尊重、一個懷念同敬仰。」
戲裡戲外，話題最強，立即收睇《動戲場》:
http://hk.movies.nextmedia.com/extra/list/