假金牛沒令全城陷入恐慌，亦證明本港近廿年信用卡推廣之成功，Samantha可接受商戶唔收金牛，但萬萬不能冇卡機。對商戶來說，最大敵人不是假金牛，反而是假人仔！話晒人仔最大面值都係100蚊，如果個客拎住幾個超市膠袋的人仔過嚟，真係好難將幾十叠人仔逐張驗，汕尾市公佈舊年首11個月收繳假人仔達3,600多萬，一個市都幾千萬，全中國假人仔究竟有幾嚴重真係唔敢乘上去，有見及此，金邦達寶嘉（3315）就食正呢個商機。
三中全會後阿爺推動「金融卡晶片國產化」，學雷軍話齋，「企在風口上，豬都飛得起」，現時正值金融IC卡爆炸性增長期，去年9月尾國內金融IC卡累計發卡3.8億張，較8月多4,000萬張，高過人行預測。金邦達是中國唯一獲得Visa、萬事達卡、銀聯等六大組織認證的金融卡製造商兼卡片個人化服務提供商，絕對有能力瓜分呢塊肥豬肉。
該股上半年利潤大增88%至8,113萬元人民幣，全年有望創出佳績，半新股前幾日熱炒，金邦達不為所動，橫行一個月後昨終見突破，加上有業績支持，可在金融卡井噴階段博盡大升浪。同樣是芯片受惠股的上海復旦（8102），今日正式由創業板轉向主板，過去一年該股累積升幅逾2倍，轉吼半新股金邦達實屬合理。
Samantha
欄逢周一、三、五刊出
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24