本欄前日推介金天醫藥（2211），昨開市到價2.91元招股價，推介兩日賺10.2%，高明在facebook發出到價提示，落車後股價一直下跌，收報2.62元，跌6.4%。半新股風高浪急，強烈建議加入高明專頁留意即市訊息。
之前本欄預言，今年繼續炒單邊，就像去年科網濠賭般熱炒。至於炒乜？呢個問題非常依賴直覺，高明碰巧撞到去年底直覺特強的「前燈神」孫柏文，故就選股問問他看法。
高：上年你揀中CEC國際（759），臨年尾又有幾隻殼股，好似金寶通（320），終於洗脫燈神之名，連班二打六都唔敢質疑你嘅一注獨贏策略。
孫：分散投資係廢嘅，呢句係由靚女專欄作家「親切的金子」講，梗係一注獨贏啦，我都希望我揀股有金子咁強。
高：咁今年你覺得有冇股份會好似科網濠賭咁，一注獨贏就賺夠？
孫：唔知，要搵股，不過可能開本地公用股，因為梁振英終於知道，所有電視、3G同埋電力發牌都唔可以亂嚟，英國佬小心翼翼咁行，俾人笑跛腳鴨，因為好似梁振英咁積極咁跑，會出事。
高：我no comment，因為上年話晒都有隻爆升嘅香港電視（1137），但做網上電視的話，我比較睇好另一本地龍頭網上電視股，哈哈哈，咁殼股又點睇？
孫：中央會打壓債市，因為長線爆煲、銀行擠提，會令共產黨下台，中央避免頭上呢把刀，會減低債務，公司要集資，只好問上市公司股東拎，殼股呢度就有價值。
高明
http://www.facebook.com/AppleKoming
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24