狼英治下大搞分化，矛盾日增，偏偏民建聯今年第二次搞嘅「年度漢字」選舉，竟然篩選「融」字當選，係咪好諷刺呢！唔少人對結果好譁然，反問係咪「庸」字至真？事關特區政府好多「庸才」，此「庸」更加反映現實；有市民則話好貼切吖，事關狼英同民建聯雙劍合璧嘅管治，「溶」咗香港都似，呢個字可能語帶雙關喎。
聲稱「融」字獲逾6,700提名
雖然民建聯今次除咗一早設定嘅10個漢字外，首度容許「公民提名」畀市民建議心儀漢字，但最終聲稱喺6,700幾個提名後嘅結果，都係預先「篩選」嘅「融」字，同政府一樣愛搞假諮詢。
至於點解係個「融」字？身為立法會主席嘅曾鈺成噚日引用成語「霧釋冰融」解釋，佢話太陽出嚟後冰會溶化，大霧會清；經常批評狼英施政嘅佢都認為，香港社會情況令人憂慮，喺政治、經濟、社會等範疇都有霧，睇唔清問題，人際關係中嘅冰、即係隔膜同冷漠都好多，影響合作，所以好希望港人喺呢個紛爭同矛盾漸多嘅社會，透過合作同熱情消除迷霧同冰雪，和睦共融喎！
查實要社會「融」和，身為特首嘅狼英應該以身作則，包容各界意見至真，偏偏佢就帶頭杯葛自由黨，撕裂社會，香港又點會樂也融融呢？
mailto:[email protected]
足本收睇《亂噏24》x鄭秀文＠杜琪峯；再有卓韻芝！
周一至周五《亂噏24》約定你： http://bit.ly/appletalk24