【本報訊】邵逸夫愛慕賢才，對下屬關懷備至，當年曾出錢供顧嘉煇到外國進修及接濟家庭，改變了他的一生。
因方逸華結緣
身在香港的顧嘉煇，昨日提到這位昔日老闆離世，感到很傷心，他在電話中說：「我覺得好突然，冇心理準備。」原來當年他到美國讀音樂，全靠邵逸夫出手相助，他說：「我同佢唔係好熟，佢幫我我好意外，佢幫我嗰次係方逸華介紹，叫我去佢寫字樓搵六叔，佢冇乜嘢同我講，淨係兩句話，問我去邊度讀書同我幫你啦。原來佢幫我旅程費用，同埋每個月幫我500蚊家用，因為嗰陣我已經結咗婚有屋企。返到嚟之後喺某一場合見到佢，我就話應該還番啲錢畀你，但佢話呢啲唔好計啦！」
問到煇哥是否邵逸夫改變了他的一生？煇哥說：「當然啦，唔可以講話乜嘢成就，但我有今日都係多得佢，但其實最緊要反而係方逸華，係佢介紹，因為嗰時方逸華係唱歌，我幫佢編譜，佢覺得我有咁嘅才能，先至會叫我搵六叔。」煇哥表明會去邵逸夫喪禮，送恩公最後一程。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange