國際泳聯噚日派發遲嚟嘅2013年成績表，中國一對「俊男美女」跳水代表何冲同何姿，包辦咗「最佳男、女跳水運動員」大獎，中國對上一次包辦呢兩個獎，係兩年前嘅邱波同吳敏霞。
呢個由國際泳聯世界雜誌主辦嘅年度獎項，已經係第4年舉行，今屆集合咗674個來自國際泳聯委員會成員、各國泳總同傳媒等嘅代表負責投票，最後從6個大項（游泳、公開水域、跳水、高台跳水、韻律泳同水球）中，選出11名得獎者（見附表），個個可謂實至名歸。
今屆由何冲同何姿包辦嘅跳水項目，其實係由2010年開始加入「年終最佳」，選咗4屆最佳女運動員都係由中國選手包辦，包括10年得主陳若琳、11及12年得主吳敏霞，今年就輪到何姿接棒，佢憑住去年7月巴塞隆拿世錦賽連贏1米及3米板單人賽2金奪得呢個獎；而何冲就憑世錦賽3米板單人及雙人賽兩金獲獎，可喜可賀！
足本收睇《亂噏24》x鄭秀文@杜琪峯；再有卓韻芝！
周一至周五《亂噏24》約定你： http://bit.ly/appletalk24