資深電影人張同祖當年在邵氏任助導，他認為六叔將電影企業化及制度化，建立電影市場的功勞不可抹煞：「喺穩定嘅情形之下，邵氏造就咗好多好導演李翰祥、劉家良、楚原，佢亦身體力行孭住菲林周遊列國去推廣，建立發行制度。」導演杜琪峯說：「好多謝邵先生對香港電影嘅貢獻，亦都令到我哋香港電影工業養活咗好多人。」
導演吳思遠是邵氏副導演出身，他形容六叔非常熱愛電影，每日都會到片廠巡視及睇電影：「睇自己片同人哋片，佢開到聲啲人就會送拷貝畀佢睇。當年香港電影大部份都係佢拍，佢當年簽咗好多新人，因為佢有呢個條件，拍戲、上映同發行一條龍，王羽、姜大偉同狄龍都係佢培養出嚟。香港電影水平都係由佢提高，佢生產嘅國語片打低當年七日鮮嘅粵語片，有完整劇本同正規片廠。」
老牌打星陳觀泰當年拍攝《大哥成》及《馬永貞》成名，他說：「六叔係大慈善家、好好嘅舊老闆，亦做好多公益事業。」
採訪：李森
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！