【誤解多多】
家長對年幼子女做運動存有不少謬誤，常見誤解是踢足球會變矮仔，常打籃球可長更高，「呢個係雞先定蛋先嘅問題，究竟係生得矮先選擇去踢足球，定踢足球令人生得矮，根本無人知道」。高拔萃舉例，正如身形高大的人，多不會選擇練習舉重，故運動選擇未必與小朋友身高有關。
身形八成受遺傳影響
高拔萃表示，無論跳高、跳遠、游水，甚至跳土風舞，都對兒童發展有幫助，多做無妨，「增高唔係細路仔唯一發育目標，運動係重視平衡發展，做運動時夠唔夠氣都好重要」。
容樹恒則指，人體高矮肥瘦約60%至80%受先天遺傳因素影響，暫無科學研究證明，參加特定運動可令人增高或變瘦，故呼籲家長勿因擔心子女踢足球會變矮仔，而「狂谷」子女多打籃球。
他舉例，踢足球講求靈敏身手及腳法，個子矮小的人因身體重心較低，身手相對會較敏捷，故他們踢足球較有優勢，易掌握當中技術，身形矮小的人士傾向多選擇此類運動。
相反，體形高大者因欠上述優勢，未必會喜歡足球運動，或有興趣多打籃球。
《蘋果》記者
足本收睇《亂噏24》x鄭秀文＠杜琪峯；再有卓韻芝！
周一至周五《亂噏24》約定你： http://bit.ly/appletalk24