有錢人唔一定出手疏爽，之前關仁都爆過料，大婆台小生「木山」本身有家底，屋企做生意，自己拍劇、唱歌搵唔少錢，但開工時都絕少畀錢請工作人員萬歲，喺大婆台人所共知。同木山一樣有家底嘅「美美」，係姐姐仔選美出身，住獨立屋都話自己係中產，同財爺有得揮，唔知美美係咪同人講得多自己係中產連自己都呃埋，定佢接受嘅教育好，自細慳儉成性，就算佢老竇被揭身家億億聲，佢都唔會亂買嘢，仲周圍格價，呢種婆仔性格真係兩睇，你可以話佢嘅節儉係美德，亦可以係太過孤寒。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！