因租約期滿，香港按揭證券公司擇好吉日，喺今個月20號「大寒」當日搬總部，由中環國金2期80樓搬去上環中遠大廈，金管局將會攞返呢層自用。
包租公金管局攞返自用
金管局喺2001年斥資37億元買入國金2期14層寫字樓，沙士期間平租一層半畀按證公司，後者前年已經退租半層，80樓最近都租約期滿。國金2期𠵱家每月呎租大約140至160元，而中遠大廈只係40至55元，平咗一大截，加上金管局成日話唔夠地方用，按證公司最終選擇搵地方搬。
按證公司租用中遠大廈兩層半，建築樓面約4.7萬平方呎，傳聞呎租50幾元，員工陸續搬過去上環。雖然國金呎租貴，但係金管局收返呢層，唔打算放租，增加租金收入，反而打算擴充自用，唔知金管局總裁陳德霖有乜大計呢？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange