綾野剛，呢個名大家可能唔太熟悉，但講佢就係新垣結衣主演嘅日劇《飛翔情報室》，嗰位男主角，睇過呢套劇嘅朋友，實有印象啦。
今年32歲，正值係佢事業高峰期。雖然人氣一路飆升，但佢嘅對象年齡就不升反跌喎。有日本媒體爆料，話佢自從同戶田惠梨香分手之後，就變得花心兼專食嫩草。上年8月先被爆帶17歲女星橋本愛，變裝遊涉谷。早排又被踢爆9月嗰陣孖住細佢成10年嘅成海璃子係東京睇戲，仲俾人見到佢地係咁咬耳仔，鬼咁親密。兩單嘢計落只係相差一個月咋。唔通綾野剛一腳踏兩船？
其實綾野剛一向好有女星緣o架，日本傳媒仲封佢做「女星殺手」。同佢合作既女演員，幾乎都傳過緋聞呀。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！