影帝周潤發出名親民，近排係行山季節，有網友前日行山經過梧桐寨主瀑布，小心翼翼行落山之際，抬頭一望，竟然見到發哥喺佢面前出現呀！當日喺現場嘅公務員工會聯合會前主席黃偉雄話，由於佢帶頭開路，所以同發哥緣慳一面，但係聽朋友講番，當時發哥眼見地勢險要，笑容滿臉咁出手相扶。發哥喺一條咁艱險奮進嘅山路上，逗得一眾行山友鬼咁開心，黃偉雄大讚，發哥認真有巨星風範！
講開又講，八方其他行山朋友，上個月去過西貢深涌行山，都話見到發哥蹤影呀，當時發哥喺一間士多休息，仲好搞笑咁幫士多老闆向途人派卡片㖭。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange