細威拍費天王打混雙，唔喺啩？現任世界網球1姐莎蓮娜（左）同費達拿（右）同係32歲，細威上周六贏完布里斯班女單冠軍後，同記者講想約費天王喺澳網打混雙，只係擔心體力應付唔到單打、女雙同混雙，佢話：「我喺布里斯班見過費達拿打雙打，已想約佢打混雙，點知家姐（威廉絲）先開口叫我打雙打，就算澳網唔成事，法網合作亦講唔定。」
另一邊廂嘅丹麥甜心禾絲妮雅琪果然人逢喜事，元旦宣佈同麥艾萊訂婚後，噚日喺悉尼網球賽首圈以2:1反勝德國對手佐芝絲，2014年有個好開始。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange