財經刊物《Institutional Investor》今個月又搞最佳分析員投票，各間證券行分析員陸續出電郵拉票，德銀兩位地產分析員舊年寫得「感情真摯」，今年個英文拉票電郵相對平實，最肉麻都係話「選舉對我們的事業重要，但你對我們更加重要」。
美林百周年 拉票有噱頭
每年一度《II》選舉喺金融業內具有一定份量，有助提高分析員嘅知名度，要求加薪或跳槽都容易些少，所以真係影響到分析員嘅事業發展。
德銀兩位地產分析員Tony同Jason舊年整咗封中文拉票電郵，左一句「人間有情」，右一句「請您伸出同情之手幫助我們」，唔知以為佢哋籌款震災。可能俾人笑足一年，呢兩位地產分析員近日出咗個英文拉票電郵，用詞好平實。
美銀美林嘅分析員亦都有出電郵拉票，仲以美林名義去拉票，事關噚日正正係美林成立100周年，分析員拉票時就話，客戶嘅投票係最佳嘅生日禮物咁話。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange