老廉近排請調查主任，相信份工都好搶手。做過廉署調查主任嘅民主黨總幹事林卓廷就索性開班，1月18日下午2點半會喺上水石湖墟嘅辦事處搞個「投考廉署Need To Know」免費講座。阿廷教路，想入老廉，首要練好英文，好似佢當年咁，先寫定十幾篇英文稿，主要圍繞時事，等面試時可以對答如流。另外若想做到調查主任，最重要係有common sense，但common sense其實一啲都唔common，冇番咁上下人生經驗都唔得。成日有人話，考得廉署，就會有人大清早上門查家宅，阿廷話，呢啲背景審查，其實一早做定，而且上門家訪，都係事先有預約㗎。
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24