現年24歲的陳靜（DaDa）去年患上情緒病宣佈退出娛樂圈，經過一輪休息後，DaDa開記招道歉兼復出，亦開始投入工作，拍攝復出後第一部、林德祿導演的新片《Z風暴》。昨日第二日正式開工的DaDa，與古天樂到沙田進行拍攝，從出道開始便靠性感上位的DaDa，今次依然要靠老本，盡騷身材，性感上陣。林德祿導演亦苦心營造DaDa突出的效果，全場臨時演員均以沉色服裝打扮，惟獨DaDa穿紅色低胸裙，非常搶眼。
古仔爆玻璃
復出後的DaDa笑言感覺像一切從沒發生一樣：「初時都有啲擔心，但又好好彩，好似冇事發生過一樣，唯一有樣唔同，就係我自己帶飯盒去現場食，因為要減肥戒食澱粉質，再唔努力下次就會俾人話我有咗。」難怪一開工已盡騷身材，不過DaDa謂這身裝扮是整部戲最性感的一場：「我就係得呢場戲着到咁性感，講我犧牲色相討好王敏德，但就冇色誘只係利誘，之後會有好多動作戲。」
此外，古仔早幾日拍完危險動作戲，難得老西打扮輕鬆拍文戲，不過他依然非常緊張，拍完一個鏡頭即睇重播又和導演研究。古仔透露前日和盧海鵬拍跳樓戲非常驚險：「講鵬哥跳樓跌落車頂，我就坐喺架車入面，個武師替身由四樓跳出去個衝力都好大，成塊擋風玻璃碎晒，啲碎片飛到成架車都係，爆玻璃嗰下我都驚會彈傷面同眼，好彩冇事。」
採訪：魯萍
攝影：黃偉雄
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24