踏入新年，東亞（023）噚日搶先舉辦研討會，佢哋知道市民最關注樓市前景，搵來中原創辦人施永青講樓市，施老闆一嚟就好好氣，猛鬧人，指政府卸膊、政黨大搞福利主義、泛民只講理想云云。咁睇唔過眼，不如將來選特首搞好香港？施老闆即刻耍手擰頭，話冇意思做特首。
施老闆早前已估計一手樓價要跌15%至20%，佢認為，政府有責任協助小市民置業，可撥出專用土地，只為首次置業人士興建住宅，免交地價，咁就可以幫助呢批人上車。政府反而走去推出辣招，令本港業主一齊承擔樓價下跌壓力係卸責。
講到公屋，佢指個別政黨，提出將公屋比例增至全港住宅九成，根本係搞福利主義。與其批評，不如參政？施老闆就話冇意思做特首，因做到特首嘅人都要得到中央嘅祝福，而且佢所有嘢都係老婆大人揸晒主意。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange