伊能靜前日現身台灣行街，素顏嘅佢着住長身針織毛衣，雖然冇囝囝陪住，但佢全程講電話解悶，之後行到敦化南路嘅寓所，沿途有唔少人認出佢，但佢繼續講電話。據知佢3、4月有新戲拍，目前唔知佢係咪喺台灣過農曆年。早前佢告內地《衛視周刊》報道失實，噚日案件審結，伊能靜勝訴，北京市朝陽區法院一審宣判雜誌要刊登致歉聲明，並賠償伊能靜精神撫慰金4萬人民幣。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！