政務司司長林鄭月娥的政改晚宴昨開鑼，為其今年的政改諮詢大龍鳳揭開序幕。最近政界中人開始開盤，打賭政改諮詢會否圓滿結局，最終方案會否獲通過；季陶聽聞，現階段願下注的政界中人不多，事關政治確實一天也嫌長；但若然要賭梁振英下屆還有沒有連任可能，押注指其「冇機會」的人則佔多數。
雖然外界一直有說，若然今次政改方案未能獲得通過，中央在確保零風險及穩陣原則考慮下，或支持梁振英連任，一動不如一靜云云。但有選委會成員指，梁振英2012年得以當選，無非因為不少原定支持唐英年的選委，受中央「勸喻」改投梁振英；而當時梁振英的「底」確實較唐英年「乾淨」，沒僭建與感情缺失之餘，又被認定能力較高，選委們就算要「違心」投票也較易接受。
選委：真係投唔落
時移世易，梁振英上任後劣迹斑斑，有選委明言，「中央話要再投梁振英都一定唔投，真係投唔落，好難再啃」，因此可以預料，就算政改原地踏步，中央若要再操控現有模式下的選委會成員，難度已經較上屆為高，至少部份「被迫」投票給梁振英的選委未必再願「自食其果」。
但有政界人士預料，以梁振英的性格，下屆特首選舉無論是否普選，他肯定會堅持入場，而中央未必一定不放行，因建制派也要人陪跑，笑指民望不濟的梁，倒是不錯的墊底選擇。
季陶
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24