【勁歌爆賽果】無綫「勁歌金曲頒獎典禮」喺本月19號舉行，有網友自稱係無綫女員工爆賽果，最奇係話金曲金獎由黃宗澤（Bosco）《最後幸福》奪得，網民勁彈Bosco冇音功，留言嘲笑話：「儍的嗎？」、「佢唱live真係好正。」期待佢真係攞到獎可以表現冇音功嘅魔力！
最受歡迎新人獎男歌星金獎話頒畀無綫自己友沈震軒，網民睇到都頴晒頭，問佢唱過乜嘢歌咁巴閉可以攞獎？其他無綫自己友如鍾嘉欣、胡鴻鈞、林峯、林欣彤等全部有獎，最嚇人係連陳展鵬、蕭正楠首《巨輪》都話攞到最受歡迎電視劇歌曲金獎，真係好得人驚囉！
謝安琪撼低祖兒
至於最受歡迎男女歌星係林峯同謝安琪喎，不過，容祖兒輸畀謝安琪就真係奇，可信性唔高囉，事關謝安琪唔肯簽經理人約畀無綫嘅星夢娛樂，有腦都諗到無綫點會頒呢個獎畀佢呢！兼且呢位女員工話林峯同祖兒攞亞太區最受歡迎男女歌星，但無綫明明取消咗亞太區呢兩個獎，咁有乜可能祖兒同林峯攞獎呢？擺明呢個斷估賽果係明寸無綫，只係得啖笑啫。
場主：守庫
戲裡戲外，話題最強，立即收睇《動戲場》:
http://hk.movies.nextmedia.com/extra/list/