湖人想將高薪一族加素（白衫）送走，之前曾經傳過話想同騎士交易，翻兜換返拜林返嚟。不過據講雙方分歧太大，呢單交易未能成事。加素繼續留喺湖人，佢喺周日場常規賽表現又唔錯，主場迎戰金塊攻入25分同埋搶到10籃板，之不過湖人依然難逃一敗，以115:137輸波。金塊教練梳爾喺球員時代曾經效力過湖人，今次倒戈都係冇面畀。