意甲重開第1日就有榜首大戰上演，結果有啲意外咁出現一面倒賽果。榜首祖雲達斯主場迎戰羅馬以3:0大炒對手，終結對方今季嘅17場不敗身。中場維達爾喺17分鐘先開紀錄，易邊後3分鐘守將邦路斯又入一粒之後，連喺場上嘅祖記小球迷都學禾確特，做個「2:0」手勢。到咗75分鐘，羅馬喺87秒內先後有迪羅斯同李安度卡斯坦領紅被逐，當中後者用手救空門輸埋12碼，極刑由胡仙歷搞掂奠定勝局。祖記再贏一場之後，喺意甲已經連贏10場，𠵱家將領先羅馬嘅距離拉開到8分。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange