近排本地足運受到懷疑打假波事件影響，之但係，香港有好多基層球迷，想睇場波都有困難㗎。扶委會近排搞緊個「築福香港」活動，當中一頭一尾嘅重頭節目，原來都係同波有關。佢哋近排派咗近8,000張飛，請基層家庭睇賀歲盃；到咗7月，就諗緊再搞大啲，請弱勢社群一齊睇世界盃。不過呢，聽講暫時都係會請睇頭尾兩場，但係無綫電視免費台都實有得睇啦。如果佢哋可以游說到TVB，拎返一兩場收費台先有得播嘅播畀基層人士一齊睇，最好就播埋英格蘭嘅比賽，咁就皆大歡喜啦。講到要請基層睇波，都有好多嘢要諗㗎，好似交通安排，同埋乜嘢場地先適合咁。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange