哨牙佬劉江華落區為政改諮詢派傳單，惹火程度仲勁過佢老細政制及內地事務局局長譚志源，女長毛等社運人士帶住路姆西狙擊哨牙佬。呢邊廂風頭火勢，另一邊廂有靚女官員派傳單，市民就好似受落好多。邊個咁有觀眾緣？之唔係南區民政事務處民政事務助理專員伍棨廷囉。之但係，政改三人組所謂嘅有商有量，好多市民自己都心中有數，於是乎，好多傳單都只落得一個下場，之唔係去晒垃圾桶囉。呀！八方醒起，哨牙佬當日敗選立法會時，有網民就將佢個嘜頭key咗入個垃圾桶度。
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24