【本報訊】二十多名永安旅行社南韓團團友，日前於首爾食肆用膳後，疑集體食物中毒，部份更分別嘔吐及肚瀉十多次，治療後大致好轉並完成餘下行程。有醫生稱食物中毒除因食物不潔或未煮熟，也可能是冬季流行的諾如病毒引致，嚴重會致命。衞生防護中心會向永安了解事件。
乘旅遊巴到醫院求診
團友Peter（化名）與妻兒去年12月31日隨永安團到南韓，五天行程頭兩天都在滑雪，第三天即1月2日晚返回首爾。當晚眾人在東大門隨團到餐廳用膳，「唔知間餐廳叫乜嘢名，大約搭咗十分鐘車，應該仲喺東大門」。
Peter說該餐廳似專門招待旅行團，提供人參雞湯，「裏面除咗雞，仲有米飯」；用膳時不覺有異味，但返回酒店後腹痛難當，「成晚冇瞓，嘔咗十次，屙咗十次」。他的妻兒沒有腹瀉但「作嘔作悶」，「嗰晚淨係食咗人參雞湯，估計係啲飯有問題，因為我太太同個仔食咗好少飯」。
翌日，他與其他團友談起才知悉，原來三十多名團友中，多達二十多人肚瀉，部份更漏夜到醫院求診。團友向領隊及導遊反映後，一起乘旅遊巴到當地醫院求診，「醫生講韓文，導遊大約話係食錯嘢」。他說團友治療後情況略為好轉，並繼續行程，翌日如期返港。
「聽講永安之前有幾個團喺嗰間餐廳食完都唔舒服，永安唔應該仲帶我哋去」。他說一家三口回港後略感不適，向旅遊保險公司索償醫療費約數十萬韓圜（約二千多港元），「唔係要永安賠，但佢哋應該正視團友安全」。
永安回應，Peter及17位團友於1月3日在領隊導遊協助下到當地醫院求醫，醫生認為團友都是腸胃問題，但確實致病原因，她說已由當地政府部門跟進調查。香港旅遊業議會董耀中稱，有提醒旅行社注重團友膳食安全，現階段難判斷團友不適原因，團友可向議會求助，並向永安追究。
感染及傳染病專科醫生蘇文傑稱，食物中毒成因一般除了食物不潔或未煮熟，也可能是冬季最活躍的諾如病毒（又稱諾沃克病毒），當食物受病毒感染會傳給進食者。
諾如病毒也經飛沫、嘔吐物傳染，患者會嚴重嘔吐及肚瀉，經治療後數日可痊癒，但老弱患者治理不及時會有生命危險。
足本收睇《亂噏24》x鄭秀文@杜琪峯； 再有卓韻芝！
周一至周五《亂噏24》約定你： http://bit.ly/appletalk24