今個月22日，觀塘區順安邨肯定刀光劍影！但如果你以為係有一場江湖大廝殺即將發生，咁就錯晒嘞，只係觀塘區議員蔡澤鴻會喺邨內辦事處幫街坊提供免費磨刀服務，仲要街坊提早致電辦事處預約登記，名額有限。消息一出，惹嚟網民好大反應，有網民留言問「儍的嗎」、「擦鞋服務有冇」。蔡澤鴻話辦事處約10年前已推出磨刀服務，當時係請一位70幾歲嘅伯伯幫街坊磨刀，伯伯離世後停止過服務，後嚟有一位工友識得用磨刀機，咪繼續搞，提醒大家只會磨菜刀，每年約磨60至70把。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange