港股急插500幾點，成千隻股票跌，恒指確認跌穿去年7月以來的上升軌，MACD再現雙熊，牌面冇樣對辦，但唔少戰友都話「熊市面、牛市底」，情緒仍相當亢奮，皆因半新股仲有鑊氣，工蓋（1421）、嘉里物流（636）都創新高。但細心留意盤路，發現唔少午後已現疲態，再爆上力度成疑。
面對如此市況，魏力認為是時候減一半倉，鎖定部份利潤，一來是預留子彈，在大震倉時候撈貨；二來是輕裝上路，心理壓力下降，才可作出準確判斷。
值得留意，過去三年，恒指走勢都有一個模式，就是「先高、後低、再反彈」，所以落場搏殺時要份外審慎。事實上，歐、美、日市場均較中港股市好炒，外資恐進一步減持中資金融股，以防範地方債爆煲。具有政策光環的環保、科網及濠賭股，仍可睇高一線。
另外，體育用品股近日走勢轉強，中國動向（3818）走勢靚爆，加上2011年通過向雲峰基金投資1億美元（約7.8億港元），持有阿里巴巴0.3%股權，以阿里巴巴估值為1,000億美元計算，有關持股已值23.4億元，加上手持近25億元現金，合共已達48.4億元，佔目前市值（78.6億元）約62%，斷斤秤相當吸引！該股上日大成交突破下降軌，以及9月以來橫行區，可望再展升浪，如能突破1.54元阻力，量度升幅可見2蚊以上。
魏力
http://www.facebook.com/2012jason
足本收睇《亂噏24》x鄭秀文@杜琪峯；再有卓韻芝！
周一至周五《亂噏24》約定你： http://bit.ly/appletalk24