【中環荷李活道】蒙嘉慧（YoYo）嫁咗畀鄭伊健後，兩公婆平時都係各有各玩，前晚7點幾，YoYo約咗一大班朋友去中環荷李活道一間日本餐廳食飯，伊健冇陪佢去。YoYo唔知係咪遲到，入到去餐廳一個朋友都見唔到，原來其他人去咗隔籬間酒吧邊飲邊等，等齊人先去食飯。佢哋食到凌晨12點幾，YoYo同歐陽妙芝夫婦先行離開，周汶錡就同法籍老公及黃佩霞等人轉場繼續玩。
採訪、攝影：朱志聰、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！