【本報訊】港人至今未能一人一票選特首，民建聯立法會議員蔣麗芸卻認為香港的民主與自由，已較亞洲甚至世界各地優勝，聲稱落實普選會製造事端。她更以中學學生會選舉有篩選為例，力撐篩選有理；學民思潮及立法會議員批評她錯誤引例，指中學學生會選舉普遍「零篩選」，不會由老師選完才由學生選。
記者：姚國雄 陳雪玲
港台節目《城市論壇》昨日討論特區施政及政改。講者之一的民建聯蔣麗芸不斷誇讚特區夠民主：「其實呀，香港呢度嘅自由同民主，比起亞洲區同世界各地都係好，都係高分優勝，即使香港未有一人一票。」
她又聲言實行普選會製造很多事端，「當一個政治、普選制度選咗一個派別，政治另一方面又唔想要呢個派別，會製造好多事端，最後輸喺民生、社會大眾嗰度。」
李卓人聞歪理表示震驚
講者之一的工黨主席李卓人聞言，即對其言論表示「震驚」，高叫「唔係呀嘛？」台下有公民黨成員反諷：「究竟（香港民主）比緬甸優勝，定係比菲律賓優勝？」
蔣麗芸同時力撐篩選有理，昨日更向台下出席論壇的中學生指：「其實呀，學校嘅學生會會長選舉都會有篩選㗎啦。」此說一出全場譁然，不少學生為之側目，李卓人即時反駁：「中學啲學生會選舉，唔會老師選完先至畀學生去選。」
其後有學生代表發言時，針對蔣的篩選論回應，指特首候選人若經中央篩選後再交香港市民選，「咁仲有乜嘢意思？」
學民反駁較特首689票多
學民思潮代表黎汶洛回應時直斥蔣胡亂舉例。現為大學生的他指，中學的學生會選舉一般是「零篩選」，只要有意參選，便可組成內閣角逐，更通常會以逾半得票比率當選，較特首梁振英由小圈子選出的689票為多，直指：「所以蔣麗芸嘅講法完全係錯嘅。」
出席同一論壇的自由黨主席周梁淑怡也撐篩選，她說：「如果（特首人選）全面由香港人百分百決定，就係唔務實。」她解釋，《基本法》清楚列明，特首提名需由提名委員會負責，希望普選能在理由討論中盡量爭取，「唔好成日叫囂同扣帽子」。民主黨單仲偕則擔心京官放話後，政改諮詢有前設，強調普選特首需有多元提名才是真普選。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange